जेसिज खुल्ला कविगोष्ठी

असोज १८, २०६७ विराटनगर । जेसिज सप्ताह अन्तर्गत विराटनगर जेसिजले खुल्ला प्रतियोगितात्मक कविगोष्ठीको आयोजना गर्‍यो । प्रतियोगितामा शेखर पोखरेल प्रथम, शम्भु उपाध्याय द्वितीय, निर्मला काइराला तृतीय भए । यसै गरी प्रतियोगितामा शिवनारायण पण्डित सिंगल र सुमितकुमार यादवले सान्त्वना पुरस्कार प्राप्त गरेका छन् । कार्यक्रमका प्रमुख अतिथि तथा साहित्यकार नवराज सुब्बाले बिजयी स्रष्टाहरुलाई पुरस्कार र प्रमाणपत्र वितरण गर्नुभयो ।

करिव ३० जना स्रष्टाहरुबीच भएको प्रतियोगितात्मक कविगोष्ठीमा महाकाव्यकार सोमराज अभय, वरिष्ठ साहित्यकार बलराम पोखरेल, गण्डकीपुत्र, लावण्य सापकोटा, कविराज पोखरेल, गोकुल ब्याकुल, शुभलक्ष्मी लम्साल, माधवकुमार मुकुन्द, रामसागर अधिकारी, सविता गौतम दाहाल, दीपक सञ्चु लगायतले आ-आफ्ना अप्रतियोगी रचना प्रस्तुत गर्नुभयो ।

विराटनगर जेसिजका कैलाश खाकी श्रेण्ठको अध्यक्षतामा सम्पन्न कविगोष्ठीमा निर्णायकद्वय साहित्यकार भूषण ढुँगेल र ज्याति जंगलले बोल्नु भएको थियो । कार्यक्रममा जेसिजका कार्यकारी उपाध्यक्ष अमिष रेग्मीले स्वागत र जेसिज सप्ताहका मुख्य संयोजक रोशन धौभडेल, कार्यक्रमका संयोजक भक्तराज खड्का र विराटनगर जेसिजका पूर्व अध्यक्ष देवेश प्रधानले बोल्नु भएको थियो ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.