उत्कृष्ट स्वास्थ्य संस्था र स्वास्थ्यकर्मीहरु पुरस्कृत

भाद्र ८, २०६९ विराटनगर मोरङ ।
मोरङ जिल्लामा समुदायलाई प्राथमिक स्वास्थ्य सेवा प्रदान गर्ने उत्कृष्ट तीन स्वास्थ्य संस्थाहरु र १८ जना स्वास्थ्यकर्मीहरु पुरस्कृत भएका छन् ।
आर्थिक वर्ष २०६८/६९ मा जिल्ला जनस्वास्थ्य कार्यालय मोरङ अन्तर्गतका स्वास्थ्य संस्थाहरु र स्वास्थ्यकर्मीहरुमध्ये कार्यसम्पादनको आधारमा मंगलबारे प्राथमिक स्वास्थ्य केन्द्र, केराबारी स्वास्थ्य चौकी र बेलबारी उपस्वास्थ्य चौकी उत्कृष्ट तीनमा परेका छन् । गत आर्थिक वर्षको वार्षिक समीक्षाको अवसरमा ती तीन स्वास्थ्य संस्थाहरु लगायत १५ जना स्वास्थ्यकर्मी र ३ जना कार्यालय सहयोगीहरुलाई जिल्ला जनस्वास्थ्य कार्यालय मोरङका प्रमुख नवराज सुब्बाले पुरस्कार र प्रमाणपत्र प्रदान गर्नुभयो ।
बिगत तीनवर्षदेखि जिल्ला जनस्वास्थ्य कार्यालय मोरङले यसरी नै उत्कृष्ट स्वास्थ्यकर्मी, कर्मचारी र स्वास्थ्य संस्थाहरुलाई उत्कृष्टताको आधारमा वार्षिक समीक्षाको अवसरमा पुरस्कृत गर्दै आएको जनाएको छ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.