Tag Archives: Nepali Folk Songs

Nepali Modern Songs

एल्बम– बहारसंग


ए ! बहार तिमीसंग बोलुँ बोलुँ लाग्छ
आँशु पुछि तिमीसंग हाँसु हाँसु लाग्छ ।
कति कति बत्तीहरु बल्नै सकेन
जलेको यो मुटु मेरो निभ्ने सकेन ।
मनमा फुल्ने फूललाई सजाउन सकिन
बनमा रम्ने कोइलीले झैं गाउन सकिन ।
(शब्द– नवराज सुब्बा, संगीत– साजन राई, स्वर– दीपक लिम्बू, एल्बम– बहारसंग)

Bahar.. Lyrics- Nawa Raj Subba, Music- Sajan Rai, Singer- Deepak Limbu

 


गुलाफको थूँगाभित्र मायालुको वासना पाउँछु
उड्ने मेरो मनभित्र तिम्रो मात्र सपना देख्छु ।
सुकेका यी ओंठहरु गीत गाइ रुझुँ भन्छ
चन्चले यी आँखाहरू कतै पुगी अल्झुँ भन्छ ।
साँचेको छु मुटुभित्र आइ यहाँ बस्ने गर
सपनीमा आउने माया विपनीमै आउने गर ।
(शब्द/स्वर– नवराज सुब्बा, संगीत– प्रेम भट्टचन, एल्बम– बहारसंग)

Gulaf… Lyrics- Nawa Raj Subba, Music-Prem Bhattachan,
Singer- D.B. Rai, Album- Bahar Sanga

 


गमलाको छातीभरी फुल्यौ आहा जीवनभरी
हाँस्दा कति सुहाएको गुलाफ र बाबरी ।
गुलाफी त्यो ओंठ खोली एकै थूँगा हाँसिदेऊ
पर्खि बरु बसौंला हाँस्नलाई सिकाइदेऊ ।
बाबरीको बासनाले जवानी त्यो ब्युँझाइ देऊ
ढल्की जान लागेको बैंशलाई फर्काइ देऊ ।
(शब्द/स्वर– नवराज सुब्बा, संगीत– एन्ड्रयू सिथलिङ, एल्बम– बहारसंग)

Gamala- Lyrics/Singer- Nawa Raj Subba, Music- Andrew Sithling, Album- Bahar Sanga

 


विवशताले बाँधिएको मान्छेको जीवन
पिजडाभित्र छट्पटिरहने मैनाझैं यो मन् ।
तिम्रो एक नजरले मनमा अनेकौ रहर जाग्छ
लम्किएर छुन खोज्छु किनाराले सीमा तोक्छ ।
बिहानीको प्रतीक्षामा साँच्नै पर्यो जिन्दगी
हजारौं दुःख लुकाएर बाँच्नै पर्यो जिन्दगी ।
(शब्द– नवराज सुब्बा, स्वर/संगीत– सुर्य थुलुङ, एल्बम– बहारसंग)

Biwasta Lyrics- Nawa Raj Subba, Music/Singer- Surya Thulung, Album- Bahar Sanga

 


हाम्रो पहिलो पाइला चार दिवालले नरोक
सुन्दर हाम्रो भविष्य झ्यालखानामा नछेक ।

कलिला हाम्रा हातमा कलम कापी थमाऊ
निर्दोष छौं बालबालिका स्वतन्त्र खेल्न पाऊँ
बाआमाको यो सजाय हामीलाई नदिइयोस्
यो देशका सन्तान हामी सुयोग्य बनाइयोस् ।

हामी बन्ने छौं हीरा अँध्यारोमा चम्कने छौं
फूल फुल्दछ हिलोमा कमलझैं फक्रने छौं
हाम्रो सुन्दर सपना चन्द्रमाझैं मुस्कुराउँछ
उज्यालो हाम्रो विपना सूर्यझैं झल्मलाउँछ ।
(शब्द– नवराज सुब्बा, संगीत– शक्ति बल्लभ, स्वर– सुमित खड्का, एल्बम– बहारसंग)

Hamro Pahilo- Lyrics-  Nawa Raj Subba, Music- Shakti Ballav, Singer- Sumit Khadka, Album- Bahar Sanga

 


पौराणिक, ऐतिहासिक, राजनीतिक संगम
आधुनिक शिक्षा, स्वास्थ्य, औद्योगिक मोरङ
चेतनाको बीऊ छर्छ कृषिभूमि मोरङ
हाम्रो मोरङ, राम्रो मोरङ, सबको मोरङ ।

धनपालगढी, गोग्राहा, रानी, बुधनगर
विराट गौरव समेट्छ यो विराटनगर
राजारानी पोखरी जेफालेडाँडा मनोरम
बेतना, हसिना सिमसार, रंगेली, मोरङ ।

सबै जाति मिलेर बनेको हाम्रो फुलबारी
छाती यसको चौडा छ अवसर बराबरी
आर्य, कोच, किरात इतिहास बोक्छ मैदान
गौरवपूर्ण यो नाता भुल्दैन हाम्रो मोरङ ।
(शब्द– नवराज सुब्बा, स्वर संगीत– सुमित खड्का, एल्बम– बहारसंग)

Hamro Morang- Lyrics-  Nawa Raj Subba, Music/Singer- Sumit Khadka, Album- Bahar Sanga

 


मन र माटोको पवित्र यो नाता
हाम्रो एकता हाम्रो सफलता
हङकङ नेपाली महासंघ
बसौं हामी मिलिजुलीसँग ।

आकाश हाम्रो यही धरतीमा बास
कर्मले डोर्यायो हामीलाई प्रवास ।
सगरमाथा गौरव शिरमा राख्दछौं
नेपाली पौरखलाई विश्वभरि छर्छौं ।
बुद्धभूमि, तपोभूमि, कर्मभूमिको मान
वीर गोरखाली हामी पुर्खाको राख्छौ शान ।
(शब्द– नवराज सुब्बा, संगीत– शक्ति बल्लभ, स्वर– सुमित खड्का, एल्बम– बहारसंग)

 


नववर्षको नौलो स्पर्श छ आज तन मनमा
यताउति खोज्छु तिमी दिनलाई शुभकामना ।

फूल पात डाली डुली जब गीत गाउछे चरी
होस हराउँदै जोस पलाउँछ आज यो मनभरि
फलोस् फुलोस् वैंश अब नबितोेस् बेकारमा
यताउति खोज्छु तिमी दिनलाई शुभकामना ।

तिमीसँग भेट हुने दिन कैले आउँला भनी
यतिञ्जेल कुरें तिमीलाई दिन यो गनी गनी
स्वस्थ, सुख, समुन्नति म लेख्छु तिम्रै नाममा
यताउति खोज्छु तिमी दिनलाई शुभकामना ।
(शब्द– नवराज सुब्बा, स्वर संगीत– सुमित खड्का, एल्बम– बहारसंग)

Naya Barsa- Lyrics-  Nawa Raj Subba, Music/Singer- Sumit Khadka, Album- Bahar Sanga

 


निधारमा टीका र जमरा थाप्छौं आशीर्वचन
एकताको चाड दशैं मंगलमय शुभकामना ।
सयपत्री फूल फुल्यो रमाइलो भो आँगन
बाआमाको आशिशसंगै उच्च भयो भावना
परदेशी पनि घर फर्के रमाइलो भो जीवन
एकताको चाड दशैं मंगलमय शुभकामना ।
राम्रो लाउने मीठो खाने पर्व दशैं हेर न
मन सबका रमेका छन् जुटेका छन् खेल्न
जीवनमा शक्ति भर्ने शान्ति दिने मनमा
एकताको चाड दशैं मंगलमय शुभकामना ।
(शब्द– नवराज सुब्बा, स्वर संगीत– सुमित खड्का, एल्बम– बहारसंग)

Dashai geet- Lyrics-  Nawa Raj Subba, Music/Singer- Sumit Khadka, Album- Bahar Sanga

Nepali Folk Songs

नेपाली लोकगीत/लोक आधुनिक गीत एल्बम- हिमालैमा हिउँ


हिमालैमा हिउँ पर्यो हिउँदैमा, हातको सिंदूर खसेछ सिउँदैमा
कुरकुरमा कुरकुर आलेपुर मालेपुर, मायातिरै सुर ।

फुलबारीमा फूल फुल्यो लरिलै जान्छ नि जोवन आउँदैन बरिलै
ढल्यो भालुबाँस लाग्दैछ मलाई माया तिम्रो आस ।

हिमालै हिउँ पर्यो हिउँ सेतै कि आउ यतै कि आउँछु म त्यतै
हो नि हुन त मायालाई सम्झेर रुन्छ नि मन त ।

आकासैमा चील घुम्यो फनफनी जाउँ कि बसौं भइसक्यो मन पनि
गैरी सिमलटार म आउँछु मंगलबार माया नमस्कार ।
(संकलन– नवराज सुब्बा, स्वर– नवराज सुब्बा र पारसमणि बराल, नेपाली लोकगीत एल्बम- हिमालैमा हिउँ) download  / preview


फर्केर आऊ त्यो बाटो नजाऊ नक्कली ए कान्छी
उसले त भन्थी म सानी छु रे माया त लाउँदिन रे ।

मन्दिरको देउता बिरानो लाग्छ किन हो मलाई
कलिलो जोवन तिमीलाई दिन्छु नभन्नु कसैलाई ।

सिउरेको फूल ओइलेर झर्यो चैतको घामले
व्यर्थैमा माया नलाउनु रैछ एकझल्को हेर्नाले ।
(संकलन– नवराज सुब्बा, स्वर– नवराज सुब्बा र पारसमणि बराल, नेपाली लोकगीत एल्बम- हिमालैमा हिउँ) download / preview


सबैले देख्छन् बन डढेको बे
तर कसले देख्छ मन डढेको बे ।

अचारै मीठो रामभेंडाको बे
सम्झना आउँछ उहीबेलाको बे ।

रुखैमाथि चरी कठैबरी बे
आँशु झर्यो बरर आँखैभरी बे ।
(शब्द/स्वर– नवराज सुंब्बा, संगीत– लिम्बू लोकलय, नेपाली लोकगीत, एल्बम- हिमालैमा हिउँ) download / preview


चिनिन नभन साथी चिन्दिनँ नभन
गीताङ्गे भई उभिनँ आएँ चिन्दिनँ नभन ।

फुकाएँ मैले मनको भाखा लुकाऊ कतिन्जेल
यो मुटु मेरो निचोरिदिन्छु दुनियाँ नाचुन्जेल
आज नाच्दिनँ नभन संगी जान्दिनँ नभन
गीताङ्गे भई उभिएँ तर चिन्दिनँ नभन ।

रहेछ गाह्रो बचाई राख्नु अटल स्वाभिमान
जीवनसाथी साधना मेरो निरन्तर अभियान
कतै गाह्रो भो नभन प्रिय मान्दिन नभन
गीताङ्गे भई उभिएँ तर चिन्दिनँ नभन ।
(शब्द– नवराज सुब्बा, संगीत/स्वर– साजन राई, नेपाली लोकगीत एल्बम- हिमालैमा हिउँ) download / preview

५.
जीवन खुल्छ सँगमा होलीको सात रङ्गमा
नेपाली हाँसौं एक भई खेलौं होली उमङ्गमा
आयो होली, खेलौं होली, नाचौं होली,
होलीको रूपरङ्गमा ।

बाल, युवा, बृद्धमन सबमा उस्तै भाव छ
के मधेस, के पहाड मीठो सद्भाव छ
आयो होली, खेलौं होली, नाचौं होली
होलीको रूपरङ्गमा ।

रङ्गीविरङ्गी सपना फुल्ने हाम्रो मन यो
सप्तरङ्गी इन्द्रेनी झुल्ने यही जीवन हो
आयो होली, खेलौं होली, नाचौं होली
होलीको रूपरङ्गमा ।
(शब्द– नवराज सुब्बा, संगीत÷स्वर– सुमित खड्का, नेपाली लोकगीत एल्बम- हिमालैमा हिउँ) download / preview