कृति विमोचन

भाद्र ३०, २०७३ काठमाडौं ।

गीतकार डा. नवराज सुब्बाको दोस्रो गीतसंग्रह ‘मन र माटो’ विमोचित भएको छ । नेपाल स्रष्टा समाजद्वारा नेपाल प्रज्ञा प्रतिष्ठानमा आयोजित एक समारोहमा कुलपति गंगाप्रसाद उप्रेतिले सुब्बाको उक्त पुस्तकको विमोचन गर्नु भएको हो ।
release-mannramaato
Continue reading कृति विमोचन

मेरो प्रारम्भिक गीतलेखन एवम् रचनागर्भ

बिक्रम सम्बतले त्यस्तै २०३०/३२ सालतिर नेपालको एक विकट उत्तरपूर्वी जिल्ला ताप्लेजुङको आठराई हाङपाङमा सरस्वती माद्यमिक विद्यालयमा त्यस्तै १२/१४ वर्षको नवराज सुब्बा नामको एउटा विद्यार्थी केटो ८/१० कक्षामा पढ्दथ्यो । हाइस्कुल छेउमै घर भएकाले गुरुहरुको संगतले होला हारमोनियम टयाँटयाँटुँटुँ गरेको देखेर सुनेर तथा गीत गाउन नाच्न फ¥याक फुरुक गरेको देखेर होला त्यसबेला विद्यालयका प्रधानाध्यापक गणेशबहादुर राई तथा संगीत शिक्षक बेनु चुँडालले यदाकदा उसलाई केही विद्यार्थीहरुका साथ अन्तिम घंटीमा गीत रिहर्सल गर्न अर्थात् गीत छान्न, गाउन, नाच्न अभ्यास गराउन भनी अर्हाउने गर्नु हुन्थ्यो । Continue reading मेरो प्रारम्भिक गीतलेखन एवम् रचनागर्भ

हामी पहिले नेपाली

हामी पहिले नेपाली अनि मात्र अरू
देश टुक्रिन दिदैनौं ज्यान दिन्छौं बरु ।

नेपाली चिनाउँने हिमाल सगरमाथा
अरनीको कला र गोर्खाली वीरगाथा
अखण्ड यो भूखण्ड हो यही स्वाभिमान
फुट्नलाई हैन जुट्नलाई गरौं बलिदान ।

माघीनाच, धाननाच, सिरुवा अनि रोदी
झाँगडनाच, देउडा, झिंन्झिया हुन् ढुकढुकी
हामीलाई बचाउने संस्कृति छ महान्
फुट्नलाई हैन जुट्नलाई गरौं बलिदान ।

शुभकामना गीत

— नवराज सुब्बा

नव वर्षको नौलो स्पर्श छ आज तन मनमा
यताउति खोज्छु तिमी दिनलाई  शुभकामना ।

फूल पात डाली डुली जब गीत गाउछे चरी
होस हराउँदै जोस पलाउँछ आज यो मन भरि
फलोस् फुलोस् वैंश अब नबितोस् बेकारमा
यताउति खोज्छु तिमी दिनलाई शुभकामना ।

तिमीसंग भेट हुने दिन कैले आउँला भनी
यतिञ्जेल कुरें तिमीलाई दिन यो गनि गनी
स्वस्थ, शुख, समुन्नति म लेख्छु तिम्रै नाममा
यताउति खोज्छु तिमी दिनलाई  शुभकामना ।

Continue reading शुभकामना गीत

सजिलो-गाह्रो (नवराज सुब्बा)

बन्दूक चलाउनु सजिलो छ
गाह्रो कस्लाई नताक्नुमा छ
कलम चलाउनु सजिलो छ
गाह्रो के चाहिँ नलेखनुमा छ ।

बोल्नु गफ हाँक्नु सजिलो छ
गाह्रो कुन कहाँ नबोल्नुमा छ
गाली गर्नु धिक्कार्नु सजिलो छ
गाह्रो कसलाई चाहिँ नगुर्नमा छ ।

मान्छे जगाउन सजिलो छ
गाह्रो मान्छे सुताउनमा छ
आकासमा उड्न सजिलो छ
गाह्रो पुगुञ्जेल नउड्नुमा छ । Continue reading सजिलो-गाह्रो (नवराज सुब्बा)

मोरङगीत

गीतकार : नवराज सुब्बा, संगीतकार : सुमित खड्का,
गायक : सुमित खड्का र साथीहरु (रेकर्डको चरणमा रहेको)

पौराणिक, ऐतिहासिक, राजनीतिक संगम
आधुनिक शिक्षा, स्वास्थ्य, औद्योगिक यो मोरङ
चेतनाको विऊ छर्दछ कृषिभूमि मोरङ
हाम्रो मोरङ, राम्रो मोरङ, सबको मोरङ ।

धनपालगढी, गोग्राह, रानी, बुधनगर
विराट गौरव समेट्छ यो विराटनगर
राजारानीपोखरी जेफालेडाँडा मनोरम
बेतना, हसिना सिमसार, रंगेली, मोरङ ।

सबै जाति मिलेर बनेको हाम्रो फूलबारी
छाती यसको चौडा छ अवसर बराबरी
आर्य, कोच, किरात इतिहास बोक्छ मैदान
गौरवपूर्ण नाता भुल्दैन यो हाम्रो मोरङ ।

खेलकूद –गीत

जिन्दगी यो एउटा रमाइलो खेल हो
जीत हार स्वीकार्ने मित्रता र मेल हो ।

नारी पुरुष भेदभाव पर्खाल त्यो तोड्दैछौं
मानवीय उत्कृष्टता उदाहरण बन्दैछौं ।

हिमाल जस्तो शिर छ तराई जस्तो छाती
देशको नाम राख्नेछौं हातमा झण्डा बोकी । Continue reading खेलकूद –गीत

गीत (नवराज सुब्बा)

पुतलीझैं खेलाउँछु आज आफ्नै मन
सबै कुरा नलैजाऊ देऊ बालापन ।

ठेकान छैन के भयो यो मुखको बोली
लैजाऊ बैंश बरु देऊ त्यो तोतेबोली
लोभी भए आँखा आज पापी भए मन
सबै कुरा नलैजाऊ देऊ बालापन ।

कुकु खेल्ने गट्टा खेल्ने हे मेरा साथी
आउँला भन्थ्यौ हरायौ दोबाटोमा राखी
कुर्दाकुर्दै जोवन गयो दोधार भो मन
सबै कुरा नलैजाऊ देऊ बालापन ।

हामी पहिले नेपाली… (देशभक्ति गीत) नवराज सुब्बा

हामी पहिले नेपाली अनि मात्र अरू
देश टुक्रिन दिदैनौं ज्यान दिन्छौं बरु ।

नेपाली चिनाउँने हिमाल सगरमाथा
अरनीको कला र गोर्खाली वीरगाथा
अखण्ड यो भूखण्ड हो हुन्न पराधीन
पहिले हामी नेपाली गर्छौं बलिदान ।

माघीनाच, झाँगडनाच, सिरुवा, रोदी
धाननाच, झिंझिया, देउडा ढुकढुकी
हामी फूल हौं मालाको राष्ट्रियता धागो
पहिले हामी नेपाली अनि मात्र अर्को ।

दुर्व्यसन विरुद्ध गीत (नवराज सुब्बा)

अमूल्य यो जीवनलाई नफालौं है खेर
दुर्व्यसनलाई चिनेर टाढै बसौं हेर ।

धुम्रपान मद्यपान अनि लागुपदार्थ
मानिसको जीवनलाई बनाउँछ ब्यर्थ ।
Continue reading दुर्व्यसन विरुद्ध गीत (नवराज सुब्बा)