NRSUBBA.COM.NP

जिन्दगी (नवराज सुब्बा)

बारीबाट लखेटिएता पनि
डिलबाट धकेलिएता पनि
भीरमा फुल्ने फूल जस्तै
रहेछ मान्छेको जिन्दगी ।

एक टुक्रा (नवराज सुब्बा)

हाँगामा बसेर फेद काट्नेहरू
छेपारो झैं रूपरङ्ग बदल्नेहरू
नजिस्क यो राट्रिय एकतासित
विदेशमा स्वदेश खोज्नेहरू ।

झरीलाई… (नवराज सुब्बा)

यो झरी र त्यो प्रेम उस्तै उस्तै रहेछ
त्यो बैंश र यो मौसम जस्तै रहेछ
जब आँखा चिम्लेर पोखिन्छ आकास
मन भत्केर मान्छे पागल जस्तै भएछ ।

एक टुक्रा (नवराज सुब्बा)

भूकम्पले कविता झण्डै फुर्‍यो
जाने साइत आज झण्डै जुर्‍यो
एक्कासी आत्तिदै निस्किए सब
आफ्नो त हंश झण्डै उड्यो ।

सेवारो पप्पाए ! (नवराज सुब्बा)

सेवारो पप्पाए ! (नवराज सुब्बा)

दिन्न बधाई कसैलाई अब
खुशी पनि बाँड्दिन सब
दिएँ शुभकामना जसलाई
ती सबै सडकमै ढले जब ।

भाद्र १२, २०६८

मुक्तक – नवराज सुब्बा

(एक)
समयको तालसँगै कति ताला लागे लागे
कारखानामा ताला लागे कार्यालयमा लागे
बोल्ने मुखमा ताला लाग्ला नि भन्छन् बैरी
आफ्ना चाहि खाने मुखमैं भोटे ताला लागे ।

नवराज सुब्बा (मुक्तक)

(एक)

खेलियो विश्वयुद्ध खुकुरीसित नाँचियो
स्वदेशी छातीमा विदेशी तक्मा टाँसियो
कहिले होला सुभारम्भ तेस्रो विश्वयुद्धको ?
शत्रु हैन आफैलाई नै सिद्याउन आँटियो !

संविधानप्रति जनताका दुई सुस्केरा

जनताका दुई सुस्केरा (मुक्तक)- नवराज सुब्बा

(एक)
वहाँको बोलीको कुनै ठेगान भएन
बन्दूक र गोलीको पनि ठेगान भएन
घरिघरि म्याद थपेको देख्दा, संविधान
आउने भोलिको पनि ठेगान भएन ।