Makalu TV News Click
Music Album ‘amulya jiwan’ access for Preview/Download Click 

भवन शिलान्यास समारोहमा केन्द्रका इञ्चार्ज शेखर यादवले आर्थिक वर्ष २०६७÷६८ को प्रगति विवरण प्रस्तुत गर्नुभयो । समारोहमा केन्द्रको गत वर्ष तथा आगामी वर्षको आर्थिक विवरण तथा योजनाबारे व्यवस्थापन समितिका सदस्य पुण्यप्रसाद दाहाल र इन्द्रप्रसाद भट्टराईले प्रकास पार्नु भयो ।

भवन निर्माण समितिका संयोजक उचितनारायण खवासको अध्यक्षतामा सम्पन्न समारोहमा व्यवस्थापन समितिका हेम गौतम र सेवानिवृत्त राष्ट्रसेवक रणबहादुर बस्नेतलाई प्रशंसापपत्र प्रदान गरियो । उक्त अवसरमा बाबुराम आचार्य, हरिबहादुर कार्की, रुद्र थापा लगायतले स्वास्थ्य केन्द्रको विविध समस्याहरुबारे बोल्नु भएको थियो ।

यसपालिको तिहारमा साँस्कृतिक कार्यक्रम गरी राष्ट्रिय एकता बढाउन गाउँ गाउँका युवाहरु उठेका छन् । मोरङको रंजनी दर्वेसा– ९ मा “सक्रिय युवा समूह” ले राष्ट्रियगीत, लोकगीत, लोकनृत्य सहितको सांगीतिक कार्यक्रमको आयोजना गरेको छ । राष्ट्रिय स्तरका कलाकारहरु महेश बुढाथोकी, साजन राई र स्थानीय कलाकारहरुले रंजनीवासीलाई आफ्ना प्रस्तुती मार्फत् एकताको सन्देश र मनोरञ्जन प्रदान गरे । युवा समूहका अध्यक्ष रमेशचन्द्र अधिकारीको अध्यक्षतामा भएको उद्घाटन शत्रमा कार्यक्रमका प्रमुख अतिथी तथा गीतकार नवराज सुब्बाले साँस्कृतिक कार्यक्रमको उद्घाटन गर्नु भएको थियो । कार्यक्रममा स्थानीय कार्यालय, संघसंस्था तथा राजनीतिक दलका प्रमुख तथा प्रतिनिधीहरुले सहभागीहरुलाई दीपावलिको शुभकामना व्यक्त गर्नुभएको थियो ।

आफ्नो ५० औं जन्मोत्सवको अवसरमा साहित्यकार सुब्बाले विराटनगर विराटेश्वर वृद्धाश्रममा बृद्धहरुलाई भोजन र नगददान गर्नुभएको थियो ।