Category Archives: मुक्तक

Nepali short poem Muktak by Nawaraj Subba

सपनाको भकुण्डो

हुट्टिट्याउँले आकास थामेन किन भो उभिण्डो
न त बाख्राको मुखमा अट्छ कहिल्यै कुभिण्डो
आफूलाई नधोच्ने जुँघाले अरुलाई नै घोच्दछ
यसरी सकिंदैन गोल गर्न यो सपनाको भकुण्डो ।

जेठ १५, २०६९ विराटनगर नेपाल ।

यो के भो !

कुनैबेला तिमी मेरो निम्ति मरिमरि हाँस्ने गर्दथ्यौ
टिपेर फूलहरु मेरै निम्ति माला गास्ने गर्दथ्यौ
यो के भो ! आज कसरी आपसमा हामी वैरी भयौं ?
जबकि हामी चण्डी; मारुनी, रोदी, देउडा; मिलेरै नाच्ने गर्दथ्यौं ।

लाजपचुवा

नाङ्गै भए पनि मलाई लाज लाग्दैन
माग्दै खान पनि मलाई लाज लाग्दैन
लाज पचाइसकेको हुँ म लाजपचुवा
दुनियाँ ढाँट्न मलाई क्यै लाज लाग्दैन ।