Category Archives: Audio Album-1 Deshko Maya

Nepali Patriotic Songs Album Deshko Maya, Lyricist- Nawa Raj Subba

Sabai Bhanda

Lyricist- Nawa Raj Subba


सबैभन्दा धेरै मलाई देशको माया लाग्छ
मेरा सन्तान भनी रुने देशको माया लाग्छ ।

प्रकृतीले बनाइदिए तराइ पहाड हिमाल
सुन्दरताको नाना खानी यही नै छ विशाल
परिश्रमी हात मिलाइ जुट्न मन लाग्छ
सबैजना मिलीजुली हिंड्न मन लाग्छ ।

म त जान्न परदेश गाउघर बिर्सी
जन्मिएको हुर्किएको देशबाट उठी
यो देशलाई झिलिमिली बनाउने मन छ
अठोटलाई व्यवहारमा देखाउने मन छ ।

(शब्द रचना- नवराज सुब्बा, संगीत- शक्ति बल्लभ, स्वर- अञ्जु पन्त, एल्बम- देशको माया) download via box.com / preview

Hami Nepali

Lyricist- Nawa Raj Subba


नेपाली नेपाली हामी नेपाली
मधेसी होस् वा जनजाति हामी नेपाली
दलित होस् वा तागाधारी हामी नेपाली
हिमाल, पहाड, तर्राई माटोको रङ्ग एउटै छ
शर्मा या शेर्पा, थारु या राइ रगतको रङ्ग एउटै छ ।

मेचीमा घाम झुल्कदा कालीको शीत पग्लिओस्
हिमाल पग्ली झरेर मैदान सारा भिजाओस्
थिचो र मिचो टिक्दैन, उच र नीच नसम्झौं
मिलेर फूलबारीमा बराबर माया रोपिदेऔं ।

थर हो मान्छे चिन्नलाई होइन है छुटि जानलाई
आपसमा हामी मिलेर मानिस एक बन्नलाई
विदेश राम्रो भन्दैमा दीयोको पुतली नबनौं
जन्मेको माटोपानीलाई चटक्कै हामी नबिर्र्सौं ।

नेपाली नेपाली हामी नेपाली
बुद्ध या हिन्दु, इसाइ या मुस्लिम हामी नेपाली
धनि या गरिब, मजदुर या मालिक हामी नेपाली ।

(गीतकार- नवराज सुब्बा, संगीत-साजन राई, स्वर- साजन राई, नितु गोस्वामी र सरिता राई, एल्बम देशको माया) download via box.com / preview